የሚሊዮኖች ተስፋ……..

ከ1987 – 2009(እ.ኤ.አ) ካሉት የአለም የምግብ ተሸላሚዎች ውስጥ ከፍተኛውን ደረጃ ይዘው የሚገኙት የዩናይትድ ስቴትስ እና የህንድ ተመራማሪዎች ናቸው፡፡ በ2009 ደግሞ ኢትዮጵያ በፕሮፌሰር ገቢሳ ኢጀታ አማካኝነት ለመጀመሪያ ጊዜ የአለም የምግብ ሽልማትን አግኝታለች፡፡ ሎሬት ፕሮፌሰር ገቢሳ ኢጀታ ድርቅን እና አቀንጭራን የሚከላከለውን የማሽላ ዝርያ አግኝተዋል፡፡ የ2009 የአለም የምግብ ሽልማት ድርጅት /FAO/ ተሸላሚ ሲሆኑ በምርምር ውጤታቸውም በአለም ላይ ከግማሽ ቢሊዮን በላይ የሚሆኑ ህዝቦችን ተጠቃሚ አድርገዋል፡

10922632_10204430769903304_5732174255608000448_n

ፕሮፌሰር ገቢሳ ኢጀታ በተባበሩት መንግስታት ድርጅት አዲስ ለተቋቋመው የሳይንቲስቶች አማካሪ ቦርድ አባልነትም ተመርጠዋል፡፡ ፕሮፌሰር ገቢሳ 26 አባላትን ላካተተው የተባበሩት መንግስታት የሳይንቲስቶችአማካሪ ቦርድ ሲመረጥ ብቸኛው የእርሻ ሳይንቲስት እንደሆኑ የተለያዩ አለም አቀፍ የብዙሃን መገናኛዎች ዘግበዋል፡፡ ሎሬት ፕሮፌሰር ገቢሳ ኢጀታ በአለም አቀፍ እና በሀገር አቀፍ ደረጃ የተለያዩ ሽልማቶች ተበርክተውላቸዋል፡፡ ከአለም የምግብ ሽልማት ድርጅት የተሰጣቸውን 250,000 ዶላር እና ሌላ ገንዘብ በማሰባሰብ ፋውንዴሽን ለማቋቋም አስበዋል፡፡

10896978_10204430770983331_7100599878936855764_n

የአለም ሎሬት ፕሮፌሰር ገቢሳ ኢጀታ የምርምር ውጤት የሆነው የማሽላ ዝርያ ከሰሃራ በታች ለሚገኙ አገራት የምግብ ዋስትናን ለማረጋገጥ እያስቻለ ይገኛል፡፡ ይሄው የማሽላ ዝርያ ምርቱ ከፍተኛ ፣ በንጥረ ነገር የበለፀገ እንዲሁም ድርቅ ፣ ውርጭ ፣ ተባይ ፣ በሽታ እና አቀንጭራን የመቋቋም አቅም አለው፡፡ ሎሬቱ በፐርዱ ዩኒቨርስቲ የእፀዋት ማራባት ፕሮግራም ድርቅን እና አቀንጭራን የሚቋቋሙ ብዙ የማሽላ ዝርያዎችን አጥንተዋል፡፡ ይህም በፊት አርሶ አደሩ ይጠቀም ከነበረው ዝርያ በ10 እጥፍ ምርታማነትን ያሳድጋል፡፡ ድርቅ እና አቀንጭራን በመቋቋም ከፍተኛ ምርት ይሰጣሉ የተባሉት የማሽላ ዝርያዎችም ለሀገራችን አርሶ አደሮች ተሰራጭተው ውጤታማ ሆነዋል፡፡ ለዚህ ደግሞ የፕሮፌሰሩ አስተዋፅኦ የላቀ ነው፡፡

10891544_10204430768543270_9017571955698274856_n

ፕሮፌሰር ገቢሳ ኢጀታ 1ኛ ደረጃ ትምህርታቸውን በአዲስ አለም ፣ 2ኛ ደረጃ ትምህርታቸውን ደግሞ በጅማ እርሻ ኮሌጅ አዳሪ ት/ቤት ተከታትለዋል፡፡ ከዚያም ትምህርታቸውን አጠናክረው በመቀጠልም “በእፅዋት ሳይንስ” ከሀሮማያ ዩኒቨርስቲ የመጀመሪያ ዲግሪያቸውን ተቀብለዋል፡፡ በሀሮማያ ዩኒቨርስቲ እየተማሩ እያለም የውጭ እድል አግኝተው በፐርዱ ዩኒቨርስቲ የሁለተኛ እና የሶስተኛ ዲግሪያቸውን /ፒኤች ዲግሪያቸውን/ አግኝተዋል፡፡

Leave a Reply