በስለት ተወልዶ በስስት ያደገው……….

በስለት ተወልዶ በስስት እንዳደገ ይነገርለታል፡፡ በ1944ዓ.ም ትግራይ ክልል ፀአዳ አምባ ወረዳሰንደዳ ቀበሌ ነው የተወለደው ፤ ድምፃዊ ኪሮስ አለማየሁ፡፡ የቤተ ክህነት እውቀትን የቀሰመው ኪሮስየአንደኛ እና ሁለተኛ ደረጃ ትምህርቱን በፍሬወይኒ ፣ ውቅሮ እና አፄ ዮሀንስ ት/ቤቶችተከታትሏል፡፡ በመምህርነት እና በሀላፊነትም ሰርቷል፡፡ ከዚያም ከትግራይ ወደ አዲስ አበባ መጥቶበራስ ትያትር ለአምስት አመታት ያህል የትግርኛ ሙዚቃዎችን ተጫውቷል፡፡ የመጀመሪያአልበሙንም ራስ ትያትር እያለ ከሸበሌ ባንድ ጋር በመሆን ለአድናቂዎቹ አድርሷል፡፡
11695814_862687570473557_476573059294138527_n

በ1970ዎቹ አጋማሽ በአዲስ አበባ ማዕከላዊ እስር ቤት ታስሮ የነበረው ኪሮስ አለማየሁ በኪነቱ ውስጥ በነበረው ቆይታ በርከት ያሉአስደሳች ፣ አሳዛኝ እና አስቂኝ ነገሮችን አሳልፏል፡፡ በስራዎቹም ለትግሪኛ ሙዚቃ እድገት ከፍተኛ አስተዋፅኦ አድርጓል::በተለያዩ ርዕሰ ጉዳዮች ላይ ያቀነቀነው አንጋፋው ድምፃዊ ግጥም እና ዜማ ይደርሳል፤ ዋሽንት እናክራር የመሳሰሉትን የሙዚቃ መሳሪያዎችም ይጫወታል፡፡ድምፃዊ ኪሮስ አለማየሁ ነገሮችን እና ሁኔታዎችን አይቶ የመድረስ እና ከዜማ ጋር አዋህዶየመጫወት ተሰጥኦው ላቅ ያለ ነው ይባልለታል፡፡በአንድ ወቅትም ባለቤቱ አዲስ ሙሽራ ሆናስትስቅ ፣ ስትጫወት እሷን በማየት “አይቁንጅና” የተሰኘውን ስራ እንደሰራው እና ከዚያምበ1983ዓ.ም በካሴት እንዳሳተመው ይነገራል፡፡ድምፃዊ ኪሮስ አለማየሁ በግሉ አምስት ፣ ከሌሎች ድምፃውያን ጋር ደግሞ ሁለት ያህል አልበሞችንሰርቷል፡፡

11537586_927831087260872_7277683370522850311_o

ድምፃዊው በጥቅምት ወር 1986ዓ.ም ከዚህ አለም በሞት ተለይቷል፡፡ በስሙ ቤተመፅሃፍት የተቋቋመለት ሲሆን ከመቀሌ ዩኒቨርስቲም የክብር ዶክትሬትን አግኝቷል፡፡ በቅርቡምየህይወት ታሪኩን በተመለከተ መፅሃፍ ተፅፎለታል፡፡ እሱ በህይወት ባይኖርም ስራዎቹ ህያው ናቸው እና ሁሌም ሲታወስ ይኖራል፡፡

Leave a Reply