ሀምሌ16 (July 23) የኢትዮጵያ ንጉሰ ነገስት አፄ ኃይለስላሴ የልደት በዓል ነው። (መልካም ልደት)

የአፄ ኃይለስላሴ የልጅነት ታሪክ …
1017511_10203120136338284_7181466193185426023_n     አፈጣጠራቸው እጅግ አስገራሚና እድለኛ ናቸው ማለት ይቻላል። እድለኛ ያልኩት፦ ከንግስና ወንበር በመቀመጣቸውና ሀገሪቱን በመምራታቸው አይደለም። እናታቸው ወይዘሮ የሺእመቤት በ12 አመታቸው የሀይለስላሴን አባት ራስ_መኮንን ካገቡ በኃላ ለስምንት ጊዜ ያህል፤ አርግዘው እየጨነገፈባቸውና እየሞተባቸው ወልዶ መሳም ናፍቋቸው ቆዩና ለ9ኛ ጊዜ ያረገዙት፦ልጅ ይቺን አለም በሰላም ተቀላቀለ። ልጁ ኢትዮጵያን ለ50 አመት በንግስና ይመራል ብሎ የጠበቀ ባይኖርም መፈጠሩ በራሱ ለእናቱ ለወይዘሮ የሺእመቤት ከንጉስም በላይ ነበር።
ስምንት ልጅ ለፍሬ ሳይበቃ ለመከነባቸው እናት፦የኃይለስላሴ እስከ ሁለት አመት በህይወት መቆየት ፈጣሪ ተጨማሪ ልጅ ይሰጠኛል የሚለው እምነታቸው በውስጣቸው እንዲዳብር ምክንያት ሆኖዋቸው ነበር። እናም ለኃይለስላሴ፦ታናሽ እህት ወይም ወንድም ልፍጠር ብለው ከሁለት አመት በኋላ አርግዘው ቢገላገሉም ህፃኑ እንደተወለደ ሲሞት፤ የአፄ ኃይለስላሴ እናት ወ/ሮ የሺእመቤትም በዚሁ ወሊድ ምክንያት ይቺን አለም በሞት ተሰናበቱ።በተደጋጋሚ ወሊድና ሀዘን መጎዳታቸው ሳያንስ ይቺን ምድር ብዙ ሳይጠግቡ በተወለዱ በ30 አመታቸው፤ ከራስ መኮንን በተጋቡ በ18ተኛ አመታቸው፤ ኃይለስላሴን በወለዱ በ2 አመት ከ8 ወር በ1894 ህይወታቸው አለፈ።

10678459_10203529924662736_8122421732929112344_n
አባትየው  ራስ_መኮንን ወልደሚካሄልም እርሳቸው በሞቱ በ14 አመታቸው በዚያው በመጋቢት ወር ድንገት ታመሙና ለህክምና ወደ አዲስ አበባ ሊያመጧቸው መንገድ ጀምረው ቁልቢ_ከተማ ላይ አረፉ።ሁለቱንም ወላጆች በልጅነት እድሜ ላጣ ብቸኛ ልጅ በህይወት ኖሮ “ታላቋን_ኢትዮጵያ” መምራት መቻል የፈጣሪ ስራ እንጂ የእሳቸው ብቃት ነው ትላላችሁ….. ?

Haile_Selassie_in_full_dress
አፄ ኃይለስላሴም ኢትዮጵያን ለ50 አመታት ያህል በንግስና ከመሩ በኋላ እ.ኤ.አ ነሀሴ 27 /1975 ህይወታቸው አልፏል፡፡ እ.ኤ.አ ሀምሌ 23 /1892 (በእኛ ሀምሌ 16 ማለት ነው) የተወለዱበት ዕለት በልጆቻቸው እና በአድናቂዎቻቸው ታስቦ ይውላል፡፡
ምንጭ ፡- Ebs TV

Leave a Reply